27 jul 2011

Gasteizko triatloiak



Igandean, uztailak 24, Gasteizko triatloi sprinta (750-21-5) eta olinpiko bikoitza (1900-90-21) izan ziren. Sprintean Elgoibarko Iñaki Conde eta Jon Urbieta aritu ziren. Olinpiko bikoitzean, berriz, Ibon Gabilondo. Arkaitz Iruretak kronika polita egin du bere blogean eta zuzenean haren lotura jarriko dugu hemen, haren baimenarekin. Zorionak guztiei eta bereziki Arani, proba gogor hau amaitu duelako!

Arkaitz Iruretaren bloga: Ikusi mendizaleak

Informazioaz gain, probetako argazkiak eta bideoak ere jarri ditu Piruk: Triatloiko bideoa

19 jul 2011

Ondarroako igeriketa zeharkaldia

Igandean, uztailak 17, Ondarroako igeriketa zeharkaldia jokatu zen. Udan oso ohikoak dira honelako probak, batez ere, Getaria-Zarautz eta Donostiako hondartzetako zeharkaldi mitikoak prestatzeko.

Igandeko proban 1800 metro egin zituzten partaideek. Julen Hernandez elgoibartarrak eman digu blogerako informazioa eta pozik esan digu, 9 elgoibartar elkartu zirela. Itsasoa nahiko eroso egon zen igeri egiteko baina hasiera gogorra izan omen zen, jende asko elkartu zelako oso leku txikian.

Elgoibartarrak (174 mutil guztira):

  • 46. Julen Hernandez (27:38.62)
  • 61. Javi Fernandez (29:14.09)
  • 76. Humberto Fernandez (29:51.47)
  • 79. Ibon Serrano (30:15.47)
  • 102. Iban Gurrutxaga (31:47.66)
  • 128. Jose Angel Agirre (34:27.53)
  • 152. Mikel Arriola (37:21.09)
  • 161. Sergio Rodriguez (29:43.03)
  • 170. Jon Urbieta (42:11.91)

9 jul 2011

Markinako atletismo eguna


7, 5 kilometroko ibilbidean Kamali Bahjdobi (20:32) etaSamira Abouche (23:27) izan ziren garaileak. Elgoibartarrak ere oso fin ibili ziren.

  • 11. Alberto Arberas (23:34)
  • 12. Josean Ruiz (23:35)
  • 32. Jesus Arrieta (25:52)

5 jul 2011

Debako triatloi olinpikoa







































Lasterketa amaierako bideoa hemen ikusi dezakezu.

Larunbatean, uztailak 2, Debako triatloi olinpikoa jokatu zen. Debako triatloi taldeak hirugarrenez antolatu du triatloia baina aurten, lehenengoz distantzia olinpikoan. Euskadiko zirkuituko hirugarren proba olinpikoa izan zen gainera.

Ibilbidea bereziki gogorra izan zen Deban. Lehenik eta behin, 1,5 km igerian, Debako hondartzan. Ondoren, 38 km bizikletan, tartean Kalbario eta Itziar gainak igarota. Beroak eta ibilbide aldapatsuak bereziki gogorra egin zuten bizikletako zatia. Baina sorpresa korrikako tartean iritsi zen korrikalari gehienentzat. 10,5 km gorabeheratsu, tartean eskailerak lau bat aldiz jaitsi behar, eta malda amaigabeetan korrikalari asko oinez ere ikusi genituen.

Lasterketa amaitu ostean, partaide gehienen iritzia berdina: polita baina oso gogorra. Partaideen artean maila handiko jendea izan zen: Etor Mendia, Igon Mancisidor, Gorka Mujika, Iñaki Gabarain...Nesketan ere, Gurutze Fradesek aise irabazi zuen, beste lasterketa batean zegoela zirudien.

Elgoibartik 6 lagun izan ginen; Ibon Gabilondo, Javi Fernandez, Gaizka Azkarate, Ibon Serrano eta Ainhoa Lendinez. Mendarotik, berriz, Iñigo Lazkano.


Partaideen iritziak:

Iñigo Lazkano:

Nere triatloiko debuta izan zan eta guztiz enamorauta geatu nintzan!!! Nahiz eta itxasoko ura oso gazixa dauan....akaso horregatik ertengo nintzan txispa horrekin uretatik, xalao-xalao jun bainitzan metara arte. Errepikatzeko gouakin geatu nintzan baina hurrengo urtian. Oin deskantzatzia tokatzen da...

Ibon Gabilondo:

Igerian gustora aritu nintzen aurten lehen aldiz, itxasoa bare zegoen eta nahiago izaten dut, baina bizikletan ez nuen egunik onena izan zirkuito gogor horretan. hau dala eta taldea galdu nuen eta nahiko postu galdu nituen bizikletako tartean. Ondoren korrika egiteko nahiko bero zegoen eta zirkuitoa oso aldapatsua zen, eustearekin konformatu behar izan nintzan. Orokorrean oso ondo antolatutako triatloia prestatu zuten Deba-itziar Extreme taldekoek, eta zirkuitoari buruz, oso gogorra iruditu zitzaidan, baina bizikletan eta bai korrika ea urteekin handitzen joaten den triatloi eder hau.

Javi Fernandez:

Zarautzeko triatloi eginda, hau zan niretzat denboraldiko bigarren eta azkeneko proba. Lasai-lasai jun nitzan, aurten asko entrenatu dut eta distantzia hori "erreza" izan behar zan baina azkeneko tartian… luzeago egin zitzaidan. Igerian ondo moldatu nintzen, nire lekua eta erritmua hartu ondoren errez allegatu nitzan hondartzara, gero bizikletan, beti bezala, postu batzuk galdu nituen. Bizikletako buelta hori oso gogorra zan, baina nahiko fresko iritsi nitzan boxeetara, eta han hasi zan nire "kalbarioa"! Korrikako tartea oso gogorra zan eta gainera bero askorekin, momentu batzuetan uste nuen mendiko duatloi batian negoela… Zorionez poztu batzuk errekuperatu nituen eta pixkanaka-pixkanaka iritsi nitzan metara.

Lasterketa oso ondo antolatuta zegoen, ea hurrengo urtian gende gehiago animatzen dan. Zirkuitua oso gogorra da eta nire ustez agian korrikako tartea aldatu egin beharko lukete, eta lauagoa jarri. Hamendik eskerrak eman nahi dizkiet animatzera joan zen jendeari, familiari, lagunei… sois los que nos llevais a meta cuando ya no quedan fuerzas, benetan eskerrik asko!


Ainhoa Lendinez:

Oraindik pilatutako sentsazioak ordenatzen ari naiz. Igeri egiteak ematen zidan beldur gehien, eta egia esan, itsasoa bare zegoen eta nahiko gustura aritu nintzen. Dena den, eta lasterketa bizikleta-zaleentzat aproposa izan arren, nik behintzat hortzak estutu behar izan nituen uretan galdutako minutu luzeak pedalei eraginez berreskuratzeko. Ibilbidea ezaguna zen, baina neskak bakarrik joan ginen eta ez zen samurra izan. Hirugarren sartu nintzen boxeetan baina gero ordaindu nuen egindako esfortsua. Ibilbidea oso gogorra izan zen korrika, aldapak, eskailerak, beroa...eta gainera, galtzerdirik jantzi ez nuelako oinetan min! Dena den, jendearen animoek helmugara inoiz baino zoriontsuago sartzen lagundu zidaten. Taldekoei ere eskerrik asko. Lehen triatloi olinpikoa izan da neretzat, oraindik sinetsi ezinik nago amaitu dudalako. Amets bat bete det, eskerrik asko!



Neskak (14 guztira):

  • 1. Gurutze Frades (2:28:26)
  • 2. Maider Vallina (2:37:15)
  • 3. Goizalde Onaindia (2:37:31)
  • 4. Ainhoa Lendinez (2:38:46)
  • Sailkapen osoa

Mutilak (186 guztira):

  • 1. Iñigo Eizagirre (2:08:31)
  • 2. Gorka Bizkarra (2:09:06)
  • 3. Ander Aguirre (2:09:57)
  • 13. Iñigo Lazkano (2:14:28)
  • 22. Ibon Gabilondo (2:16:59)
  • 67. Javi Fernandez (2:29:02)
  • 92. Gaizka Azkarate (2:36:34)
  • 115. Ibon Serrano (2:39:29)
  • Sailkapen osoa

Aritzalekuko triatloia

Larunbatean, uztailak 2, Aritzalekuko triatloi sprina (750-20-5) jokatu zen, Nafarroan. Matthew Pellow (1:04:07) eta Irene Loizate (1:25:48) izan ziren azkarrenak. Bertan izan zen Iñaki Konde ere, lehenengo beteranoa. Zorionak, Iñaki!

  • 92. Iñaki Konde (1:25:53)


Sailkapen osoa

3 jul 2011

Zuzenien


Uztailaren 3an Azpeitiko Zuzenien lasterketa izan zen, Erloko gainean. 2,8 km eta 804 metroko desnibela. 107 lagunek amaitu zuten lasterketa eta maila handiko lasterkariak izan dira tartean. Aurten gainera, errekorrak hautsi dituzte irabazleek: Aitor Osa eta Ana Conde izan ziren azkarrenak. Tartean izan zen Iñigo Lariz elgoibartarra ere.

Mutilak:
  • 1. Aitor Osa (26:41)
  • 2. Walter Becerra (29:39)
  • 3. Imanol Etxeberria (30:10)
  • 9. Iñigo Lariz (31:16)

Sailkapen osoa
Lasterketako bideoa

1 jul 2011

Onditzen omenezko triatloia

Igandean, ekainak 26, Onditzen omenezko triatloia jokatu zen Donostian. Distantzia olinpikoan, 1,5 km igerian, 40 km bizikletan eta azkenik 10 km egin zituzten korrika parte-hartzaileek. 486 mutilek eta 40 neskak amaitu zuten proba eta tartean bi elgoibartar izan ziren. Borja Uriarte eta Iñaki Konde. Hain zuzen ere, Ibon Gabilondok proposatuta, Urgazitik omenaldi txikitxoa egin nahi diogu hemen Iñaki Konderi hemen. Urteak daramatza triatloian, eta urteek aurrera egin arren, lanean jarraitzen du fin-fin.















XXVI. Onditz memorialak, Elgoibarko triatleta zailduena izan zuen bere partaideen artean, V3Mko mailan, hau da, 60 urtetik gorako tartean. 3 izan ziren parte hartu zuten gizonak, eta horietako bat Iñaki Konde elgoibartarra izan zen. 60 urte betetzen dituen urtean, Iñakik bere erronka bete zuen eta urteko egun sargorienean, Euskal Herrian egiten den tradizio handieneko triatloi olinpikoa bukatu zuen. Gutxi izango dira Euskal Herrian horrelako esperientzia batzen duten triatletak: Embrun`98, Fredericia 2001, El Chorro 2004, Sudafrica 2006, Zarautz, Donostia ... amaigabeak dira urte hauetan guztietan Iñakik osatutako triatloiak, eta oraindik hor jarraitzen du, bere buruari erronkak jartzen. Bejondeizula Iñaki!


Mutilak (486 guztira):
  • 1. Francesc Godoy (2:06:40)
  • 2. Joshua Maeder (2:07:35)
  • 3. Ryan Bailie (2:10:47)
  • 357. Borja Uriarte (3:00:26)
  • 373. Iñaki Konde (3:03:00)
  • Sailkapen osoa
Neskak (40 guztira):
  • 1. Natalie Van Coevorden (2:23:46)
  • 2. Natalia Raña (2:26:48)
  • 3. Maider Gaztañaga (2:30:57)
  • Sailkapen osoa